कुर्हे बुद्रुक येथे महिला व बाल विकास अंतर्गत पालक मेळावा उत्साहात पार पडला..

आबिद शेख/अमळनेर

अमळनेर – महिला व बाल विकास विभागांतर्गत शासनाच्या उपक्रमाचा भाग म्हणून पालक मेळावा ज्ञानवर्धिनी अंगणवाडी केंद्र, कुर्हे बुद्रुक येथे दिनांक १८ रोजी उत्साहात पार पडला. कार्यक्रमाच्या अध्यक्षस्थानी माजी जि.प. सदस्य सौ. जयश्री अनिल पाटील होत्या.

यावेळी गटविकास अधिकारी एन. आर. पाटील, सी. डी. पी. ओ. प्रेमलता पाटील, रामेश्वर केंद्रप्रमुख गोकुळ पाटील आदी मान्यवर उपस्थित होते.

कार्यक्रमात अंगणवाडी सेविका शितल विजयसिंग पाटील व मदतनीस सीमा गिरीश बिऱ्हाडे यांच्या मार्गदर्शनाखाली बालकांच्या मातांनी टी.एच.आर. व घरगुती खाद्यपदार्थांपासून प्रोटीनयुक्त पाककृती कशा तयार करता येतात याचे प्रात्यक्षिक दाखविले. तसेच टाकाऊ वस्तूंपासून झुंबर, रंगीबेरंगी कापडी बॉल, पोस्टर इत्यादी साहित्य तयार करून बालकांचा मेंदू व सर्वांगीण विकास कसा साधता येतो यावर मार्गदर्शन करण्यात आले.

कार्यक्रमात उत्कृष्ट पूर्वशालेय शिक्षणाचे महत्त्व अधोरेखित करण्यात आले. या कार्यक्रमास गावचे सरपंच, उपसरपंच, सदस्य, सोसायटीचे चेअरमन, व्हा. चेअरमन, संचालक मंडळ, माजी सरपंच-उपसरपंच, अंगणवाडी सेविका, मदतनीस, ग्रामस्थ मंडळी तसेच ढेकू बीटातील सर्व अंगणवाडी सेविका उपस्थित होत्या.

रवि ज्वेलर्स
अमळनेर.

24 Ct सोने 99.50% : ₹. 98800/-.
22 Ct सोने 91.60% : ₹. 90900/-.
18 Ct सोने 75.00% : ₹. 75100/-.

शुद्ध चांदी 999% : ₹. 1165/-

भाव प्रती 10 ग्राम

22 कैरेट 916 हॉलमार्क दागिने मजूरीत 50% सूट