श्री मंगळग्रह मंदिरात कलशारोहण व नवकुंडी महाविशेष शांतीयाग; वस्त्रोद्योग मंत्री सावकारे यांनी घेतले दर्शन..

आबिद शेख/अमळनेर

अमळनेर येथील ख्यातनाम श्री मंगळग्रह मंदिरात तीन दिवसीय श्री मंगळग्रह देव जन्मोत्सव महासोहळ्याला सुरुवात झाली आहे. या सोहळ्यात ३१ ऑगस्ट रोजी दोन सत्रांत एकूण ७२ मानकरींच्या उपस्थितीत नवकुंडी महाविशेष शांतीयाग पार पडला.

याआधी मंदिर परिसरातील त्रिशूलात्मक श्री कालभैरव व श्री भैरवी माता मंदिराचे कलशारोहण फैजपूर येथील सतपंथाचे महामंडलेश्वर श्री जनार्दन हरिजी महाराज यांच्या शुभहस्ते संपन्न झाले. या वेळी मंगळग्रह सेवा संस्थेचे अध्यक्ष डॉ. डिगंबर महाले उपस्थित होते.

दरम्यान, राज्याचे वस्त्रोद्योग मंत्री संजय सावकारे यांनी सपत्नीक येऊन श्री मंगळग्रह देवाचे दर्शन घेतले.

सकाळच्या सत्रातील मान्यवर :

सकाळी ९ ते १२ वाजेच्या सत्रात खासदार स्मिता वाघ, जिल्हाधिकारी आयुष प्रसाद, मुख्य कार्यकारी अधिकारी मीनल करणवाल, धुळे पोलीस अधीक्षक श्रीकांत धिवरे, पोलीस आयुक्त प्रशांत बच्छाव, प्रांताधिकारी नितीनकुमार मुंडावरे, तसेच विविध विभागांचे वरिष्ठ अधिकारी, पदाधिकारी, उद्योजक व प्रतिष्ठित मान्यवर उपस्थित होते.

दुपारच्या सत्रातील मान्यवर :

दुपारी ३ ते ६ वाजेच्या सत्रात जळगावचे पोलीस अधीक्षक डॉ. महेश्वर रेड्डी, डीवायएसपी राहुल फुला, तहसीलदार रूपेशकुमार सुराणा, पोलीस निरीक्षक दत्तात्रय निकम, माजी अधिकारी, वकिल, उद्योगपती, तसेच जिल्हाभरातील मान्यवर मोठ्या संख्येने सहभागी झाले.

संध्याकाळी शांतीयागाची पूर्णाहुती व महाआरतीने सोहळ्याची सांगता झाली. मंदिरातील पुरोहित मंडळींनी पौरोहित्य केले.

यावेळी आमदार सत्यजित तांबे आणि शिरपूरचे पोलीस निरीक्षक जयपाल हिरे यांनीही श्री मंगळग्रह देवाचे दर्शन घेतले.

मंगळग्रह सेवा संस्थेतर्फे अध्यक्ष डॉ. डिगंबर महाले, उपाध्यक्ष एस. एन. पाटील, सचिव सुरेश बाविस्कर, सहसचिव दिलीप बहिरम, खजिनदार गिरीश कुलकर्णी आदींनी सर्व मान्यवरांचा सत्कार केला.

रवि ज्वेलर्स
अमळनेर.

24 Ct सोने 99.50% : ₹. 106400/-.
22 Ct सोने 91.60% : ₹. 97900/-.
18 Ct सोने 75.00% : ₹. 80900/-.

शुद्ध चांदी 999% : ₹. 1270/-

भाव प्रती 10 ग्राम

22 कैरेट 916 हॉलमार्क दागिने मजूरीत 50% सूट