अमळनेर येथे शांतता समितीची बैठक. -जातीय सलोखा राखण्याचे आवाहन
अमळनेर/प्रतिनिधी
आगामी महात्मा फुले जयंती, रमजान ईद, डॉ. आंबेडकर जयंती, महावीर जयंती, रामनवमी, हनुमान जयंती, अक्षय तृतीया, निवडणूक आणि संत सखाराम महाराज यात्रोत्सव निमित्ताने शांतता समिती बैठक १० रोजी नगरपालिकेच्या सभागृहात आयोजित करण्यात आली होती.
सदर बैठकीत आचार संहितेचा अंमल लागु असल्याने आचार संहितेचा भंग होणार नाही याची खबरदारी घेऊन व कोणत्याही धर्माच्या भावना न दुखवता बैठक आयोजीत करण्यात आली. यात शांतता समितीच्या सदस्यांनी मांडलेल्या सुचनांचे मुख्याधिकारी तुषार नेरकर, पोलीस निरीक्षक विकास देवरे व पोलीस उप अधिक्षक सुनील नंदवाळकर यांनी निरसन केले. संवेदनशिल मतदान केंद्र तसेच आगामी स आणि उत्सव यासह सखाराम महाराज यात्रा शांततेत पार पाडण्याबद्दल पोलीस व महसूल व नगरपालीका प्रशासनातर्फे आवाहन करण्यात आले.
सदर बैठकीस पोलीस उप अधिक्षक सुनील नंदवाळकर रुपेशकुमार सुराणा तहसिलदार अमळनेर, तुषार नेरकर मुख्याधिकारी नगरपरिषद अमळनेर, श्री. विकास देवरे पोलिस निरीक्षक अमळनेर पो.स्टे., शांतता समितीची सदस्य व पत्रकार उपस्थित होते. तसेच सुत्रसंचालन संजय कृष्णा पाटील यांनी केले.
