श्रीमती द्रौ.रा. कन्या शाळेच्या वर्धापन दिन शोभायात्रेने वेधले अमळनेरकरांचे लक्ष. माजी नगराध्यक्षा सौ. जयश्री पाटील यांच्या हस्ते उद्घाटन; विद्यार्थिनींच्या सादरीकरणाने मिळाली भरघोस दाद.
आबिद शेख/अमळनेर
अमळनेर श्रीमती द्रौपदीबाई रामचंद्र (द्रौ.रा.) कन्या शाळेच्या ८१ व्या वर्धापन दिनानिमित्त आयोजित भव्य शोभायात्रेने आज अमळनेरकरांचे लक्ष वेधून घेतले. या शोभायात्रेचे उद्घाटन माजी नगराध्यक्षा सौ. जयश्री अनिल पाटील यांच्या हस्ते झाले. स्काऊट-गाईड पथकाने त्यांना सॅल्यूट देऊन टाळ्यांच्या गजरात स्वागत केले.
या वेळी बोलताना जयश्री पाटील म्हणाल्या, “८१ वर्षांची वाटचाल ही केवळ शिक्षणाची नाही तर संस्कारांची गौरवशाली परंपरा आहे. शाळेने मुलींना घडवताना समाजालाही दिशा दिली आहे,” असे सांगून संस्थेच्या पुढील वाटचालीस त्यांनी शुभेच्छा दिल्या.
सामाजिक संदेश व ऐतिहासिक व्यक्तिमत्त्वांनी सजली रॅली
शाळेपासून सुरू झालेली ही रॅली महाराणा प्रताप चौक, बस स्टँड, तिरंगा चौक, कोंबडी बाजार, सुभाष चौक, स्वामी नारायण मंदिर, पोस्ट ऑफिस मार्गे पुन्हा शाळेत परतली.
रॅलीच्या प्रारंभी घोड्यावर आरूढ भारतमाता, त्यामागे सैनिक, स्काऊट-गाईड पथक, तसेच विद्यार्थिनींनी साकारलेले द्रौपदीबाई, राणी लक्ष्मीबाई, जिजामाता, सावित्रीबाई फुले, शिवाजी महाराज, संभाजी महाराज, सईबाई, वारकरी, अष्टप्रधान मंडळ यांच्या वेशभूषेने उपस्थितांचे मन जिंकले.
रॅलीदरम्यान विविध चौकांमध्ये महिला साक्षरता, महिला सबलीकरण, मतदान जागृती व करुणा संदेश या विषयांवरील नाटिका विद्यार्थिनींनी सादर केल्या. लेझीम पथक, वारकऱ्यांची दिंडी, टाळ-मृदुंगाच्या गजरात विठ्ठल नामस्मरण यामुळे रॅलीला उत्सवी व अध्यात्मिक स्वरूप लाभले.
यशस्वी आयोजनासाठी शिक्षक-शिक्षकेतरांचा परिश्रम
या शोभायात्रेच्या यशस्वी आयोजनासाठी कार्याध्यक्ष डॉ. संदीप गुजराथी, चेअरमन नीरज अग्रवाल, हरीअण्णा वाणी, डॉ. अनिल शिंदे, प्रदीप अग्रवाल, पराग पाटील, डॉ. ए. बी. जैन, तसेच मुख्याध्यापिका एस. एस. सूर्यवंशी, पर्यवेक्षिका एस. पी. बाविस्कर, शिक्षक प्रतिनिधी डी. एन. पालवे, एस. एस. माळी, आर. एस. सोनवणे आदी मान्यवर उपस्थित होते.
शाळेतील सर्व शिक्षक-शिक्षिका व शिक्षकेतर कर्मचारी यांनी अथक परिश्रम घेऊन हा कार्यक्रम यशस्वी केला.
रवि ज्वेलर्स
अमळनेर.
24 Ct सोने 99.50% : ₹. 99600/-.
22 Ct सोने 91.60% : ₹. 91600/-.
18 Ct सोने 75.00% : ₹. 75700/-.
शुद्ध चांदी 999% : ₹. 1170/-
भाव प्रती 10 ग्राम
22 कैरेट 916 हॉलमार्क दागिने मजूरीत 50% सूट
