अजीम प्रेमजी यांचा वाढदिवस अमळनेरमध्ये सेवाभावी उपक्रमाने साजरा.                          गरजू विद्यार्थ्यांना दप्तर वाटप आणि स्वादिष्ट भोजनाचे आयोजन

आबिद शेख/अमळनेर
जगप्रसिद्ध आयटी क्षेत्रातील विप्रो कंपनीचे संस्थापक व अध्यक्ष अजीम प्रेमजी यांचा वाढदिवस त्यांच्या मूळगावी अमळनेर येथे सामाजिक बांधिलकीचा आदर्श निर्माण करणाऱ्या सेवाभावी उपक्रमाने साजरा करण्यात आला. सुनिलभाऊ चौधरी व मित्र परिवाराच्या वतीने आयोजित या उपक्रमात तब्बल ४०० गरीब व गरजू विद्यार्थ्यांना शालेय दप्तर वाटप करण्यात आले. तसेच सर्व विद्यार्थ्यांसाठी स्वादिष्ट भोजनाचे आयोजन करून त्यांचा आनंद द्विगुणित करण्यात आला.

कार्यक्रमाची सुरुवात सरस्वती पूजनाने झाली. या वेळी राजाराम चौधरी, चेतनजी थोरात (HR, विप्रो), जितेंद्र शर्मा (फॅक्टरी मॅनेजर), भोजुशेठ माहेश्वरी यांचे स्वागत करण्यात आले. उपस्थित मान्यवरांनी या उपक्रमाचे कौतुक करत “अशी सामाजिक कार्ये समाजाला प्रेरणा देणारी आहेत” असे गौरवोद्गार काढले.

या प्रसंगी कु. ललिता हरित पिंजारी (पिळोदा), वैष्णवी योगेश पाटील (जानवे), लकी रवींद्र भोई (अमळनेर), जयेश निंबा पाटील (लोंढवे) या विद्यार्थ्यांनी मराठी, हिंदी आणि इंग्रजी भाषेत प्रभावी भाषण केले. “अजीम प्रेमजी यांच्याप्रमाणे आम्हीही भविष्यात गरजूंना मदतीचा हात देऊ,” अशी भावनिक प्रतिक्रिया त्यांनी व्यक्त केली.

चेतनजी थोरात यांनी आपल्या भाषणात सांगितले, “अजीम प्रेमजी हे केवळ उद्योगपती नाहीत तर शिक्षण, आरोग्य आणि समाजसेवा यामध्ये दीपस्तंभ आहेत. विप्रो ही एक मूल्यांची शाळा आहे. सुनिलभाऊ चौधरीही याच ध्येयाने कार्यरत असून अशा उपक्रमांना आमचा कायमचा पाठिंबा राहील.”

कार्यक्रमाचे सूत्रसंचालन गिरीष चौक यांनी केले, तर आभार मुरली चौधरी यांनी मानले. कार्यक्रमाची सांगता राष्ट्रगीताने झाली. या उपक्रमासाठी पालक, शिक्षक आणि स्वयंसेवक यांचे विशेष सहकार्य लाभले.

रवि ज्वेलर्स
अमळनेर.

24 Ct सोने 99.50% : ₹. 99200/-.
22 Ct सोने 91.60% : ₹. 91200/-.
18 Ct सोने 75.00% : ₹. 75400/-.

शुद्ध चांदी 999% : ₹. 1175/-

भाव प्रती 10 ग्राम

22 कैरेट 916 हॉलमार्क दागिने मजूरीत 50% सूट