अमळनेरमध्ये प्रथमच भव्य ब्युटी पार्लर सेमिनार यशस्वीरित्या संपन्न – महिलांचा उत्स्फूर्त सहभाग.

आबिद शेख/अमळनेर

– अमळनेर शहरात प्रथमच आयोजित करण्यात आलेल्या भव्य ब्युटी पार्लर सेमिनारला महिलांचा भरघोस प्रतिसाद लाभला. “तेजल क्लासेस, आनंद कॉलनी” येथे सौ. सोनल मगर यांच्या वतीने आयोजित करण्यात आलेल्या या मोफत सेमिनारमध्ये शहर व परिसरातील शेकडो महिलांनी सहभाग घेतला.

या कार्यक्रमाचे प्रमुख आकर्षण म्हणजे लेडीज फॅशन डिझायनर सौ. राजश्री चंद्रकांत काटे यांची उपस्थिती. त्यांनी महिलांना सौंदर्य, कपड्यांचे डिझायनिंग, व्यवसायिक दृष्टिकोन व स्वरोजगार याविषयी मार्गदर्शन केले. त्यांच्या उपस्थितीमुळे कार्यक्रमाला वेगळेच महत्त्व प्राप्त झाले.

कार्यक्रमाचे सूत्रसंचालन भावना पाटील व तेजस्विनी संदनशिव यांनी तर मार्गदर्शनपर सत्रात सौंदर्यतज्ज्ञ जयश्री घाटे व अनुपमा परमार यांनी विविध ब्युटी ट्रीटमेंट्स, मेकअप टेक्निक्स, त्वचा व केसांची निगा, तसेच आधुनिक सौंदर्यप्रसाधनांच्या वापराबाबत उपयुक्त माहिती दिली.

कार्यक्रमाच्या यशस्वीतेसाठी सीमा पाटील व साधना पाटील यांनी मोलाचे सहकार्य केले. कार्यक्रमानंतर सर्व सहभागी महिलांना प्रमाणपत्र वितरित करण्यात आले. आयोजिका सौ. सोनल मगर यांनी सर्वांचे आभार मानत भविष्यात अशा उपक्रमांचे आयोजन पुन्हा होईल, असे सांगितले.

या उपक्रमामुळे अमळनेर शहरातील महिलांना सौंदर्य व्यवसायातील नवतंत्रज्ञान शिकण्याची आणि स्वतःचा व्यवसाय सुरू करण्याची प्रेरणा मिळाल्याचे उपस्थित महिलांनी समाधानाने सांगितले.

रवि ज्वेलर्स
अमळनेर.

24 Ct सोने 99.50% : ₹. 99100/-.
22 Ct सोने 91.60% : ₹. 91200/-.
18 Ct सोने 75.00% : ₹. 75300/-.

शुद्ध चांदी 999% : ₹. 1170/-

भाव प्रती 10 ग्राम

22 कैरेट 916 हॉलमार्क दागिने मजूरीत 50% सूट