राज्यातील प्रत्येक शाळांत मराठी अनिवार्यशालेय शिक्षणमंत्री दादा भुसे यांची माहिती

24 प्राईम न्यूज 9 Jan 2024. -महाराष्ट्राची मातृभाषा मराठी असून मराठी शाळा बरोबर आता इंग्रजी माध्यमाच्या शाळेत मराठी शिकवणे बंधनकारक करण्यात येणार आहे. राज्यातील प्रत्येक शाळांमध्ये मराठी शिकवणे अनिवार्य करण्यात येईल, असे शालेय शिक्षण मंत्री दादा भुसे यांनी स्पष्ट केले.

महाराष्ट्राची मातृभाषा मराठी असून मराठी भाषा जिवंत ठेवण्यासाठी प्रत्येकाने पुढाकार घेणे गरजेचे आहे. मात्र इंग्रजी माध्यमांच्या तसेच विविध बोर्डाच्या शाळांमध्ये मराठी भाषा शिकवण्यास टाळाटाळ केली जात असल्याचे निदर्शनास आले होते. आता शालेय शिक्षणमंत्री दादा भुसे यांनी मराठी अनिवार्यच अशी भूमिका घेतली आहे. महाराष्ट्र राज्यातील सर्व शाळांमध्ये मराठी शिकवणे बंधनकारक असणार आहे. तसेच शिक्षण विभागाची पुढीलवाटचाल कशी असेल, त्यासाठी काय करावे लागेल याबद्दल विविध घटकांची चर्चा सुरु आहे. शालेय शिक्षण विभागाचा रोड मॅप लवकरच तयार केला जाईल, असेही भुसे म्हणाले. केंद्रीय मंडळाच्या शाळांमध्ये मराठी भाषा शिकवणे अनिवार्य आहे.यातून त्यांना कोणतीही पळवाट काढता येणार नाही. याबरोबरच मराठी भाषेच्या अध्यापनाला अधिकाधिक व्यापक करण्यासाठी त्या शाळेतील शिक्षकांनाही मराठी भाषेचे ज्ञान असायलाच हवे, अशी सूचना दादा भुसे यांनी केली आहे.