मा. मुख्यमंत्री एकनाथ शिंदे साहेबांच्या अध्यक्षतेखाली कोयना प्रकल्पग्रस्तांच्या प्रलंबित मागण्यांसंदर्भात सह्याद्री अतिथीगृह येथे आढावा बैठक पार पडली.
24 प्राईम न्यूज 18 Oct 2023
या बैठकीत प्रकल्पग्रस्तांच्या जमीन वाटपाबाबत मा उच्च न्यायालयाने दिलेल्या निर्देशानुसार प्रधान सचिव (मदत व पुनर्वसन विभाग) यांच्या अध्यक्षतेखाली उच्चाधिकार समिती स्थापन करण्यात आली असल्याचे सांगण्यात आले.
या बैठकीत प्रकल्पग्रस्तांना
जमीन वाटप करण्यात आलेल्या जमिनीचा सर्वंकष आढावा घेऊन जमीन न मिळालेल्या प्रकल्पग्रस्तांना ती देण्यात यावी असे आदेश मुख्यमंत्री महोदयांनी दिले आहेत.
या बैठकीत सातारा जिल्ह्यातील तापोळा(ता. महाबळेश्वर) येथील जिल्हापरिषदेच्या बोटी व बार्जद्वारे जलवाहतूक करणाऱ्या कामगारांचे वेतन अदायगी बाबत तसेच त्यांना मदत व पुनर्वसन विभागात कसे सामावून घेता येईल याबाबत चर्चा झाली.
बैठकीत प्रकल्पाअंतर्गत पुनर्वसन झालेल्या २२ गावांच्या नागरी सुविधांची पूर्तता करण्यासाठी यंत्रणांनी तात्काळ कार्यवाही करावी असे आदेश सुद्धा देण्यात आले.
