मोहम्मद शमीचा विक्रम! वनडे क्रिकेटमध्ये वेगवान 200 विकेट्स..
24 प्राईम न्यूज 21 Feb 2025.
भारतीय क्रिकेट संघाचा प्रमुख वेगवान गोलंदाज मोहम्मद शमीने इतिहास रचला आहे. तो वनडे क्रिकेटमध्ये सर्वात कमी चेंडूंमध्ये 200 विकेट्स घेणारा जगातील पहिला गोलंदाज ठरला आहे.
शमीने ही कामगिरी अवघ्या 5126 चेंडूंमध्ये पूर्ण केली आहे. याआधी हा विक्रम ऑस्ट्रेलियाचा स्टार गोलंदाज मिचेल स्टार्क याच्या नावावर होता, ज्याने 5240 चेंडूंमध्ये 200 विकेट्स घेतल्या होत्या.
शमीच्या या ऐतिहासिक कामगिरीमुळे भारतीय क्रिकेटच्या यशात आणखी एक सुवर्णपान जोडले गेले आहे. वनडे क्रिकेटमधील या विक्रमी वेगाने विकेट्स घेणाऱ्या यादीत त्याचे नाव आता अव्वल स्थानी आहे.
