“अमळनेरमध्ये आज वयोवृद्धांसाठी मोफत सहाय्यक साहित्य वितरण शिबिराचे आयोजन.”

आबिद शेख/ अमळनेर

भारत सरकारच्या सामाजिक न्याय व विशेष सहाय्य विभागांतर्गत राबवण्यात येणाऱ्या राष्ट्रीय वयोश्री योजनेच्या माध्यमातून वयोवृद्धांसाठी सहाय्यक साहित्य वाटप शिबिराचे आयोजन करण्यात आले आहे. मा. खासदार सौ. स्मिताताई वाघ यांच्या विशेष प्रयत्नातून व जिल्हा प्रशासन, जळगाव यांच्या सहकार्याने हे शिबिर १२ मे २०२५ रोजी सकाळी १० ते संध्याकाळी ४ या वेळेत ग्रामीण रुग्णालय, अमळनेर येथे पार पडणार आहे.

या दिवशी केवळ ६० वर्षांवरील वयोवृद्धांची व त्यांच्या कागदपत्रांची तपासणी केली जाईल. पात्र लाभार्थ्यांना साहित्य वाटप साधारण २ महिन्यांनंतर करण्यात येईल.

शिबिरासाठी आवश्यक कागदपत्रे:
१. मूळ आधार कार्ड व झेरॉक्स प्रत
२. मूळ रेशन कार्ड (पिवळे/केशरी) व झेरॉक्स प्रत
३. रेशन कार्ड नसल्यास उत्पन्नाचा दाखला

या योजनेचा लाभ घेण्यासाठी सर्व पात्र वयोवृद्ध नागरिकांनी या शिबिरात उपस्थित राहावे, असे आवाहन करण्यात आले आहे.