स्वच्छता, पर्यावरण संवर्धन व महिला सक्षमीकरणासाठी अमळनेर नगरपरिषदेचा संयुक्त उपक्रम…

अमळनेर – अमळनेर नगरपरिषदेच्यावतीने मुख्याधिकारी तुषार नेरकर यांच्या मार्गदर्शनाखाली स्वच्छता, पर्यावरण संवर्धन आणि महिलांच्या सक्षमीकरणासाठी एक संयुक्त उपक्रम राबवण्यात आला. ‘स्वच्छ महाराष्ट्र अभियान – स्वच्छ सर्वेक्षण २०२५’, अमळनेर नगरपरिषद स्वच्छता विभाग, राष्ट्रीय नागरी उपजीविका अभियान आणि ‘सफाई अपनावो, बिमारी भगावो’ अभियान अंतर्गत आयोजित महिला बचत गट मेळावा इंदिरा गांधी भवन येथे उत्साहात पार पडला.

या उपक्रमात कुशाग्र फाउंडेशनच्या वतीने घनकचरा व्यवस्थापन, कचरा विलगीकरण, संकलन व प्रक्रिया याबाबत उपस्थित महिलांना माहिती देण्यात आली. यासोबतच घनकचरा व्यवस्थापन अंतर्गत विविध व्यवसाय व उद्योगधंद्यांच्या संधींबाबतही मार्गदर्शन करण्यात आले. श्री. मुकेश चव्हाण व श्री. देवेंद्र केळोदे यांनी उपस्थित बचत गटातील महिलांना सखोल माहिती दिली.

या कार्यक्रमास सुमारे ५० महिला तसेच स्वच्छता विभाग आणि राष्ट्रीय नागरी उपजीविका अभियानाचे अधिकारी, कर्मचारी उपस्थित होते. प्रमुख उपस्थितींमध्ये स्वच्छता निरीक्षक किरण कंडारे, नागरी उपजीविका अभियान समन्वयक चंद्रकांत मुसळे, स्वच्छ भारत अभियान समन्वयक गणेश गढरी यांचा समावेश होता. तसेच तुकाराम भोई, उज्ज्वला पाटील, योगेश पवार, सतीश बिऱ्हाडे, शाम करंदीकर, अनंत संदानशिव, जया सरदार, समाधान बच्छाव, युनुस शेख व अन्य कर्मचारी यांचीही उपस्थिती होती.

कार्यक्रमाच्या अखेरीस सर्व सहभागी महिलांना स्वच्छता व हरित शपथ देण्यात आली. यानंतर पर्यावरणपूरक उपक्रम म्हणून कापडी पिशव्यांचे वाटप करण्यात आले व प्लास्टिक पिशव्यांच्या वापराचे पर्याय टाळण्याचे आवाहन करण्यात आले.

भाव प्रती 10 ग्राम

रवि ज्वेलर्स
अमळनेर.

24 Ct सोने 99.50% : ₹. 97000/-.
22 Ct सोने 91.60% : ₹. 89200/-.
18 Ct सोने 75.00% : ₹. 73700/-.

शुद्ध चांदी 999% : ₹. 1095/-

22 कैरेट 916 हॉलमार्क दागिने मजूरीत 50% सूट