दफनभूमीची जागा तत्काळ मुस्लीम बांधवांना हस्तांतरीत करण्याची मागणी मनपा मुख्यालयासमोर आंदोलन…

नाशिक (प्रतिनिधी)
शहरातील जुने नाशिक मुस्लीम समाजाला जुने नाशिक येथील नानावली भागातील तसेच वडाळा गावातील कब्रस्तानची आरक्षित जागा महापालिकेने मुस्लीम समाजाकडे तत्काळ हस्तांतरीत करून दफनविधी करायला परवानगी द्यावी , अशी मागणी करण्यात आली . या मागणीसाठी छत्रपती शिवाजी मुस्लीम ब्रिगेडच्या वतीने महापालिकेच्या प्रवेशद्वारासमोर आंदोलन करण्यात आले . अजीज पठाण , शेखन खतीब , हनिफ बशीर , सलीम राजमोहम्मद मुस्ताक शेख , नदीम मनियार , जभी मुजाहिद , यांच्या उपस्थित मनपा आयुक्तांना एक हजार स्वाक्षऱ्यांचे निवेदन देण्यात आले . नाशिक महानगर क्षेत्राची मुस्लीम समाजाची लोकसंख्या ३ लाखाच्या जवळपास आहे . स्वातंत्र्यानंतर नाशिक शहरातील मुस्लीम समाजासाठी क शासनातर्फे अथवा स्थानिक स्वराज्य संस्थेमार्फत फक्त दसक शहर , नाशिकरोड येथे एकमेव दफन भुमीची जागा देण्यात आलेली आहे . या शिवाय इतर ठिकाणी कोठेही जागा देण्यात आलेली नाही . मुस्लीम समाजास दफनभूमीची जागा तत्काळ ताब्यात मिळवी , अशी मागणी करण्यात आली . अडीच वर्षांपासून या मागणीसाठी आंदोलन करण्यात येत असल्याचे आंदोलकांनी सांगितले . हा प्रश्न तत्काळ मागी न लावल्यास महापालिकेवर मोर्चा काढण्याचा इशारा यावेळी आंदोलकांनी दिला . आंदोलनात टिपू रझा , निझाम शेख , फहीम शेख , सचिन गायकवाड , अकील शेख , कासिम शेख , नियाझ आली सय्यद , नदीम मणियार , शकील तांबोळी , आसिफ बॉस , इमरान तांबोळी , आझम खान , इमरान पठाण , मुख्तार शेख इब्राहिम अत्तर , माजिद पठाण , तबरेज देशमुख , मुस्ताक शेख , फहीम शेख , अहमद काजी , कय्यूम शेख , रफिक शेख , शाम गायकवाड आदींसह मुस्लीम बांधव उपस्थित होते .