चाकुचा धाक दाखवुन लुटमार करणा-या आरोपीस अमळनेर पोलीसांनी केली अवघ्या दोन तासात अटक..

अमळनेर (प्रतिनिधी) अमळनेर दि.०८/०१/२०३ रोजी रात्री ०२.०० वाजेच्या सुमारास अमळनेर रेल्वे स्थानकावरुन त्यांचे मित्र नामे-नंदु गणेश चव्हाण यांच्या सह चहा पिवुन परत येत असतांना आरोपी नामे- रमण बापु नामदास रा. मुठे चाळ, स्टेशन रोड, अमळनेर यांने फिर्यादी व त्यांचे मित्र यांना चाकुचा धाक दाखवुन तुमच्या खिश्यात किती पैसे आहेत, ते मला द्या नाहीतर मी तुला चाकुन मारुन टाकेल असे बोलून त्याच्या हातातील चाकुने फिर्यादी यांचे उजव्या हाताच्या दंडावर तसेच उजव्या पायाला वार करुन जखमी केले व फिर्यादीच्या खिश्यातील ७८००/- रुपये बळजबरीने काढुन पळुन गेला म्हणुन अमळनेर पो.स्टे. गु.र.न. १२/२०२३ भा.द.वि. कलम ३९४, ५०६ प्रमाणे गुन्हा दाखल करण्यात आला होता. सदर गुन्ह्यांतील आरोपी नामे रमण बापु नामदास रा. मुठे चाळ, स्टेशन रोड, अमळनेर हा गुन्हा केल्यास पासुन फरार झाला होता व त्याचा शोध पोलीस पथक कसोशिने घेत होते.

त्यांनतर पो. नि. श्री. विजय शिंदे, अमळनेर पोलीस स्टेशन यांना गोपनिय माहीती मिळाली की, आरोपी नामे रमण बापु नामदास रा. मुठे चाळ, स्टेशन रोड, अमळनेर हा अमळनेर शहरात रेल्वे स्टेशन परीसरात लपुन बसला आहे. त्यावरुन पो. नि. शिंदे यांनी पोउनि विकास शिरोळे, सफी. रामकृष्ण कुमावत, पोहेकॉ. किशोर पाटील, पोना. डॉ. शरद पाटील, पोना. दिपक माळी, पोना. रविंद्र पाटील, पोना. सिध्दांत सिसोदे, पोना. कैलास पवार अश्यांचे पथक तयार करुन आरोपीतास ताब्यात घेणेकामी रवाना केले. नमुद पथकाने आरोपी रमण बापु नामदास रा. मुठे चाळ, स्टेशन रोड, अमळनेर यांस रेल्वे स्टेशन परीसरात अत्यंत शिताफिने ताब्यात घेवुन पोलीस स्टेशन आणले. पो.नि.विजय शिंदे यांनी आरोपी रमण बापु नामदास रा.मुठे चाळ, स्टेशन रोड, अमळनेर यांस विश्वासात घेवुन विचारपुस केली असता त्याने गुन्ह्यांची कबुली दिली असुन त्यांस गुन्ह्यांकामी अवघ्या दोन तासात अटक करण्यात आली आहे व नमुद गुन्ह्यांचा तपास सफौ. रामकृष्ण कुमावत करीत आहेत.

आरोपी रमण बापु नामदास रा.मुठे चाळ, स्टेशन रोड, अमळनेर याचे बाबत अमळनेर पोलीस स्टेशन कडील अभिलेख पडताळला असता त्याचेवर यापुर्वी देखील अमळनेर पोलीस स्टेशला १) गु.र.न. ४३९ / २०१९ भा.द.वि. कलम ३९४ प्रमाणे व २) गु.र.न. ४६९/२०१९ भा.द.वि. कलम ३९४, ५०६, ४२७ प्रमाणे जबरी चोरीचे गुन्हे दाखल आहेत.

सदरची कामगिरी पो.नि.श्री. विजय शिंदे यांचे गोपनिय बातमीच्या आधारावर व मार्गदर्शनाखाली पोउनि विकास शिरोळे, सफी. रामकृष्ण कुमावत, पोहेकॉ. किशोर पाटील, पोना. डॉ. शरद पाटील, पोना. दिपक माळी, पोना. रविंद्र पाटील, पोना. सिध्दांत सिसोदे, पोना. कैलास पवार यांच्या पथकाने केली