२४ डिसेंबर नंतर सांगतो माझा
बोलविता धनी कोण आहे..
जरांगे-पाटील यांची घोषणा
24 प्राईम न्यूज 12 Dec 2023
मराठा आरक्षणासाठी लढणारे मनोज जरांगे-पाटील यांच्या आंदोलनाच्या पहिल्या दिवसापासूनच त्यांच्यावर कुणाचा तरी वरदहस्त आहे, त्यांचा गोडफादर कोण, जरांगेचा बोलवता धनी कोण अशा चर्चा सुरु आहेत. जरांगेच्या पाठिशी राष्ट्रवादी ते भाजप असे अनेक पक्ष असल्याच्या थिअरी मांडल्या गेल्यात. आता जरांगेंच त्यांचा बोलवता धनी कोण आहे हे सांगणार आहेत. 24 तारखेनंतर आपला बोलावता धनी कोण हे सांगतोच अशी घोषणा जरांगे पाटील यांनी केलीय. काहीच दिवसांपूर्वी जरांगे कुणाचं खातात असं म्हणत छगन भुजबळांनी निशाणा साधला होता. जरांगेच्या पाठी कोणती शक्ती आहे असाच रोख भुजबळांचा होता.
राज ठाकरे यांनीही केला आरोप
मनोज जरांगे पाटील यांच्या पाठीमागे कोण आहे, त्यांचा बोलवता धनी कोण ? हे कालांतराने कळेल असे सांगून मनसे अध्यक्ष राज ठाकरे यांनी मराठा नेता मनोज जरांगे पाटील यांच्या आंदोलनामागे जातीपातीचे राजकारण करणारे अदृश्य शक्ती असल्याचं म्हटलं होतं. पहिल्या दिवसापासूनच जरांगे-पाटलांचा गॉडफादर कोण ही चर्चा सुरु आहे. जरांगेच्या पाठिशी शरद पवार आहेत इथपासून जरांगेच्या पाठिशी भाजप आहे. इथपर्यंत चर्चा आजवर रंगल्यात. विशेषत सत्ताधाऱ्यांपासून विरोधकांपर्यंत सारेच जरांगेंच्या पाठिशी कोण असा सवाल विचारत आहेत. त्यामुळेच 24 तारखेनंतर सांगतो पाठिशी कोण असं म्हणत जरांगेंनीही टोला लगावलाय.
