१२ नळ कनेक्शन बंद करत पाण्याच्या मोटारी जप्तीची कारवाई . -सिंधी कॉलनी भागात विशेष मोहिम
अंमळनेर/प्रतिनिधी. विभागातील भरारी पथकाने वसुलीसाठी धडक मोहीम सुरू केली असून सिंधी कॉलनी भागात विशेष मोहिमेत आली.
या मोहिमेत कर अधिकारी रवींद्र चव्हाण, रवींद्र लांबोळे, लिपिक सोमचंद संदानशिव तसेच सतीश बडगुजर, गणेश शिंगारे, गणेश ब्रहो, निखिल संदानशिव, बाळकृष्ण जाधव, अकील काझी यांच्या भरारी पथकाने मुख्याधिकारी तुषार नेरकर यांच्या मार्गदर्शनाखाली ही कारवाई केली. सिंधी कॉलनी भागातून १२ नळकनेक्शन बंद करून पाण्याच्या मोटारी जप्त केल्या आहेत. ही कारवाई यापुढेही सुरु राहणार असल्याचे मुख्याधिकारी तुषार नेरकर यांनी सांगितले. नागरिकांनी त्यांच्याकडे असलेल्या घरपट्टी व पाणीपट्टीच्या रक्कमा त्वरित भरून नगरपरिषदेस सहकार्य करावे, असे आवाहन करण्यात आले आहे.
